Aleksandar Vuçiq: “S’mund të flasim me Kosovën nëse ajo pret vetëm njohjen dhe kërkimfalje për diçka”

Presidenti i Serbisë, Aleksandar Vuçiq, ka thënë se s’mund të ketë bisedime me Kosovën nëse përfaqësuesit e saj mendojnë se në thelb s’ka për çka të bisedohet.

Vuçiqi, duke iu përgjigjur pyetjeve të parashtruara përmes Facebook-ut, ka thënë se përfaqësuesit e Kosovës nuk duhet të presin që “Serbia të njohë sa më parë pavarësinë e saj dhe t’u kërkojmë falje për diçka”, raporton agjencia serbe e lajmeve “Beta”.

“Nëse e mendojnë këtë, këtë lloj bisede e kemi përfunduar. Shpresoj se njerëzit në Prishtinë do të jetë të arsyeshëm e racionalë që e kuptojnë se është e rëndësishme të bisedojmë dhe të tentojmë të gjejmë kompromis”, tha Vuçiqi.

Sipas tij, “nëse dikush mendon se mund ta mposht Serbinë me shantazhe, gabon shumë”.