Çfarë është biotina?
Biotina është një vitaminë që i përket grupit të vitaminave B. Ndonjëherë mund të quhet dhe vitamina H. Ashtu si vitaminat e tjera B, biotina ndihmon trupin në kthimin e ushqimit në energji. Sasia e shëndetshme e biotinës është e lidhur me të pasurit e flokëve me shkëlqim, lëkurë të pastër dhe thonj të fortë. Biotina është gjithashtu shumë e nevojshme gjatë shtazënisë, dhe përfshihet në shumë vitamina prenatale.
Ja disa ushqime ku mund të gjendet biotina:
- Vezët
Biotina gjendet në të verdhën e vezëve. Të verdhat e vezëve duhet të gatuhen gjithmonë para se të konsumohen, edhe pse nxehtësia do ta ulë sasinë e biotinës që merrni. Për shkak të funksionit që luan biotina në zhvillimin e embrionit, atëherë është e kuptueshme se pse të verdhat e vezëve janë një nga ushqimet më të pasura me biotinë.
- Bajamet
Bajamet e freskëta, të kripura apo dhe të pjekura përmbajnë nivele të larta të biotinës. Arrorët dhe legume në përgjithësi janë një burim i mirë i biotinës. Kjo vitaminë mund të gjendet edhe në kikirikë, fasule, arra etj.
- Lulelakër
Lulelakra e pagatuar përmban 17 mikrogram biotinë për çdo racion. Kjo është një sasi e madhe nëse konsideron se një njeri i shëndetshëm mërr 100 – 300 mikrogram biotinë në ditë.
4.Djathrat
Shumica e produkteve të bylmetit përmbajnë një sasi të caktuar biotine. Djathi blu dhe djathi Camembert u zbuluan se kishin sasinë më të madhe të biotinës në një studim me 23 lloje djathrash.
Shumica e produkteve të bylmetit përmbajnë një sasi të caktuar biotine. Djathi blu dhe djathi Camembert u zbuluan se kishin sasinë më të madhe të biotinës në një studim me 23 lloje djathrash.
- Kërpudhat
Biotina në kërpudha i ndihmon ato të mbrohen nga parazitët dhe grabitqarët gjatë rritjes. Nëse hani kërpudha të gatuara bëni shumë mirë. Por nëse i hani ato të pagatuara është edhe më mirë.
- Patatja e ëmbël
Patatet e ëmbla përmbajnë disa nga nivelet më të larta të biotinës të gjendura në perime. Meqë patatet e ëmbla përmbajnë edhe beta karoten, ato janë shumë të mira për t’u ngrënë nëse doni të përmirësoni pamjen e lëkurës suaj.
- Spinaqi
Spinaqi përmban një nga nivelet më të larta të biotinës ndër perimet e gjelbërta. Ai nuk e humbet këtë aftësi edhe nëse e ngrini, një racion spinaq që ka qënë i ngrirë përmban 7 mikrogram biotinë.