Kur zgjohei në mëngjes, çfarë ju shkrep në mendje?
A filloni duke menduar për gjithë punët që keni sot? Emailet që duhet të përgjigjeni, malin me shkresa mbi tryezë që duhet të përfundohen, apo punët e shtëpisë që duhet të bëni?
Apo…
A mendoni për gjërat që ju bëjnë të lumtur? Puthjen që vogëlushja apo vogëlushi juaj do ju japë para se të shkojë në shkollë, apo faktin që, edhe pse nuk keni gjithçka që dëshironi, gjithësesi jeni mjaft mirë?
Albert Einsteini dikur ka thënë: “Vendimi më i rëndësishëm që ne marrim, është nëse besojmë që jetojmë në një univers miqësor, apo armiqësor”.
A është bota ku jetoni armiqësore, apo miqësore? Si e shihni ju? Jeni ju që vendosni.
Çdo ditë e marrim këtë vendim.
Duhet të zgjohemi dhe të pyesim veten: “Jetoj në një botë të mirë, apo në një botë të keqe?”
Mënyra si e shihni botën, ka ndikim të fortë mbi qasjen tuaj ndaj ditës. Mos harroni, mendimi pozitiv sjell dritë në sy, më shumë energji dhe lumturi.
Ju bën më mirëkuptues, kur ndodhin gjëra që nuk i prisnit.
Dikush ju pret rrugën në trafik? Pa problem. Të paktën nuk ju goditën, duke ju detyruar të vonoheni për punë.
Dikush ju ka zënë rrugën sepse ecën ngadalë? Bëni durim! Shijoni kohën ekstra në rrugë.
Duke e nisur ditën me mendimin e vetëdijshëm se bota është e mirë, keni më pak gjasa të reagoni në mënyrë negative kur ndodhin gjëra që nuk i kishit në plan. Keni pak më shumë durim. Pak më shumë shpresë.
E mira sjell të mirën
Plus, mënyra si e shihni ditën tuaj që në mëngjes, ndikon gjithashtu që shumë gjëra të mira të ndodhin gjatë ditës.
Susan Reynolds, autore e “Mësoje trurin që të të bëjë të lumtur”, thotë se “të ndjerit e kënaqësisë është kaq stimuluese për trurin, saqë bën që të reagosh ndaj kënaqësisë në një mënyrë që e përforcon atë kënaqësi”.
Me fjalë të tjera, sa më shumë të mirë që kërkon në këtë botë, aq më shumë të mira do të marrësh në këmbim.
Kur zgjohesh dhe zgjedh të jetosh në një “botë të keqe”, dita shkon shumë ndryshe. Ndiheni të irrituar kur përfundoni prapa dikujt që po ecën ngadalë në trafik. Qëndrimi në radhë në një dyqan të duket si përjetësi dhe çdo gjë që bën duket dhjetë herë më e vështirë.
Asgjë nuk funksionon si duhet dhe vazhdimisht je në pritje që gjërat të shkojnë keq (që zakonisht do të shkojnë nëse mendoni kështu) – gjëra që “vërtetojnë” se bota është vend armiqësor.
Si ta nisni ditën tuaj më pozitivisht?
* Zgjidhni fjalë dhe deklarata që reflektojnë një qasje pozitive: “Do të kem një ditë të mirë”, ose “Sa mirë do të më shkojë dita sot”.
* Fokusohu në gjërat që të bëjnë të lumtur: “Mezi pres të shoh shfaqjen e shkollës së kalamajve sonte në mbrëmje”, ose “Mezi pres të shoh ku do të më shpjerë ky projekt në punë”.
* Vlerësoni gjërat e mira në botën tuaj: “Jam shumë mirënjohës për shëndetin, faktin që mundem të paguaj faturat, apo që kam një familje të mrekullueshme!”
* Kaloni më shumë kohë me njerëz pozitivë, sepse jua bën më të lehtë të ndiheni edhe vetë pozitivë!
Nuk do të jetë asnjëherë 100% por nëse fokusohuni pak më shumë tek e mira, se sa tek e keqja, po bëni shumë progres. Me hapa të vegjël, por të sigurt.
/MekuliPress.com/
Shpërndaje dhe Pëlqeje MekuliPress