Ka plot miq fantastikë që mund të zësh, nga shenja të ndryshme të horoskopit, por nuk ka si ata që i përkasin shenjës së Shigjetarit. Ata konsiderohen shpesh si personat më të qetë një një dhomë, por kjo nuk do të thotë që janë gjithmonë më të heshturit. Nëse kjo shenjë të beson shumë, fillon të hapet për ndjenjat dhe mendimet e veta. Në këtë mënyrë ke për ta njohur karakterin e tyre të vërtetë që nuk është aq serioz, ka dhe ai batutat e veta që do të bëjnë ta duash më tepër.
Një Shigjetar do të të qëndrojë pranë dhe do të ndihmojë të luftosh betejat e tua, atëherë kur nuk do të jesh në gjendje t’ia dalësh mbanë vetëm. Ai do të mundohet të tregohet personi më i fortë dhe do të japë kurajo t’i përballosh sfidat. Mirëpo kjo gjë s’do të thotë se nuk po e vuan faktin që ti nuk po kalon mirë.
Si një mik i mirë, një Shigjetar do t’i mbështesë gjithë idetë e tua, edhe ato të gabuarat, dhe më pas do të qeshni bashkë sapo ta kuptosh se çfarë ke besuar. Këtë gjë, ai nuk e bën për të të lënduar, por sepse do të bëjë shaka me ty derisa ta kuptosh çfarë ke bërë apo ke menduar gabim. As një person i shenjës së Shigjetarit nuk e merr veten aq seriozisht, këtë gjë do të ta mësojë edhe ty.
Shigjetarët duken fillimisht si tipa të ftohtë, sepse nuk japin shumë muhabet, nëse nuk krijojnë besimin e mjaftueshëm. Mirëpo me kalimin e kohës, kur ata i kuptojnë vërtet qëllimet e mira të dikujt, i përfshijnë shumë ata në jetën e tyre, duke u bërë miq shumë të mirë. Ama nëse e kuptojnë se dikush nuk ka qëllime të mira, një Shigjetar i shmanget në mënyrë shumë të ftohtë dhe ndonjëherë “arrogante” (siç e konsiderojnë disa persona).
Një person i kësaj shenje do të shtyjë të qëndrosh me këmbë në tokë. Nëse diçka që mendon është e gabuar, ka për të ta shprehur çfarë mendon në mënyrë të hapur, duke të bërë të reflektosh e të ndryshosh mendim. Nga ana tjetër, një Shigjetar do të nxisë t’i përmbushësh planet e tua njëri pas tjetrit, pa kaluar sa tek njëri tek tjetri.
Të gjithë kalojmë ditë të vështira, ama natyra e qetë e një Shigjetari do të kujtojë të marrësh frymë thellë e të relaksohesh. Ai do të kujtojë se ka një arsye pse ndodhin gjërat dhe se jeta është e bukur, edhe nëse në ato momente do të mendosh të kundërtën. Një mik i kësaj shenje do të dëgjojë të shprehësh gjithë problemet e tua, pa të të ndërprerë, e më pas do të ndihmojë të krijosh një plan për ta zgjidhur çfarë ka mbetur ende përgjysmë. Nëse nuk do të ketë gjë në dorë për të të ndihmuar, atëherë do të orientojë të gjesh një dritë në fund të tunelit, duke të qëndruar pranë.
Një Shigjetar është i përkushtuar, inteligjent, argëtues dhe padyshim i fortë. Nëse arrin të bëhesh mik i mirë me një Shigjetar, mbajë afër dhe mos e lër kurrë të shkojë. Kurrë.