Facebook ka bërë një hap tjetër në reduktimin e lajmeve të rreme në platformë. Rrjeti social ka njoftuar se duke nisur nga sot hyn në fuqi një politikë e re që parashikon sinjalizimin automatik të përdoruesve që shpërndajnë në mënyrë periodike lajme të paqena.
Në momentin që llogaria e përdoruesit sinjalizohet si e tillë, algoritmet e Facebook do të fshehin gradualisht postimet e tij nga muret e miqve të tij, në mënyrë që të minimizojë efektin e informacionit të pavërtetë.