Gazetari Valon Syla, është sulmuar fizikisht në rrugën “Robert Doll” në Prishtinë.
Media mëson se i dyshuari për sulmin fizik ndaj gazetarit Valon Syla është Bashkim Jupa nga fshati Molliq komuna e Gjakovës, me vendbanim në Zvicër.
I dyshuari është vëllai i zyrtarit të lartë të PDK-së dhe ish-zvëvendësministrit të Tregëtisë dhe Industrisë, Bekim Jupa.
Rastin e ka konfirmuar zëdhënësja e policisë për rajonin e Prishtinë, Flora Ahmeti. Ajo ka bërë të ditur se, njësit e nevojshme policore po merren me rastin.
“Rreth orës 12:00 kemi pranuar informatën se një person është sulmuar fizikisht në lagjen Pejton në Prishtinë. Menjëjerë në vendngjarje kanë dalë njësitet e nevojshme policore dhe po merren me rastin”, ka thënë Ahmeti.
Ky sulm fizik ndaj gazetarit Syla vjen pas shkrimeve të tij lidhur me fluksin e madh të mërgatës që kanë ardhur në Kosovë gjatë këtyre ditëve.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.