Putin me shpërthime zemërimi
Putini është izoluar dhe ka gjithnjë e më pak kontakte me Kremlinin. Sipas inteligjencës amerikane, zhgënjimi po rritet me presidentin rus. Kështu shkruan NBC News, percjell MekuliPress.
Putin ka pasur disa shpërthime zemërimi kundër punonjësve, kjo sipas inteligjencës amerikane.
Shtetet e Bashkuara kanë informacion të fortë se Putini është i frustruar dhe drejton shpërthime të pazakonta zemërimi te njerëzit në rrethin e tij të ngushtë.
Kjo është e pazakontë, sipas dy zyrtarëve aktualë amerikanë në inteligjencë. Arsyeja është se Putini, një ish-oficer i inteligjencës, zakonisht i mban nën kontroll emocionet e tij.
“Ai nuk është më i njëjti diktator gjakftohtë që ishte në vitin 2008”, ciiton MekuliPress ish -drejtorin e CIA-s, John Brennan.
Disa ekspertë kanë deklaruar se presidenti rus ndoshta nuk priste të përballej me një kundërshtim kaq të fortë në Ukrainë. Ai tani është nën presion edhe në shtëpi, me një milion që kanë nënshkruar fushatën e nënshkrimit “Stop luftës në Ukrainë” dhe oligarkët e fuqishëm që shprehin pakënaqësi.
Opsioni i vetëm i Putinit mund të jetë dyfishimi i dhunës, thanë zyrtarët amerikanë për NBC News.