Ka mbërritur vajtimi i parë zyrtar serb për situatën në veri. Pas gatishmërisë luftarake të urdhëruar për të dhjetën herë nga Vuçiç, kryeministrja serbe, Ana Brnabiç, ka kritikuar edhe KFOR-in për vonesën e reagimit duke akuzuar madje se misioni i NATO-s nuk po përmbush detyrimet e veta.
Ata nuk po mbrojnë demokracinë, ajo çfarë ata po bëjnë është mbrojtja e uzurpatorit nga demokracia dhe qytetarët e zakonshëm, citohet ajo.
Predikimi për demokracia nga Beogradi i sotshëm provon në të vërtetë se në qeverinë e Vuçiçit e kanë tepruar me pikantet, pasi si shaka e tepruar duket edhe kjo. Për të kuptuar llojin e demokracisë mediat serbe, përfshirë agjencinë shtetërore të lajmeve, TANJUG, nuk përmendin se mes të lënduarve në përballjet e të premtes janë edhe pesë policë shqiptarë dhe vijojnë të ruajnë përcaktuesin «e ashtuquajtur» për Kosovën.