Turqia do të dërgojë komando në Kosovë të dielën dhe të hënën në përgjigje të një kërkese të NATO-s për t’u bashkuar me forcën paqeruajtëse të aleancës KFOR pas trazirave në veri të vendit. Lajmin e bën te ditur Ministria Turke e Mbrojtjes, e cituar nga Reuters.

Në njoftimin e saj, Ministria e Mbrojtjes bën thirrje për përmbajtje dhe dialog konstruktiv për të zgjidhur një krizë që mund të dëmtojë sigurinë dhe stabilitetin rajonal.

“Njësia jonë e caktuar (një batalion komando) është planifikuar të dislokohet në Kosovë më 4-5 qershor,” tha ministria.

Situata në veri të Kosovës u tensionua kur kryetarët shqiptarë të dalë nga zgjedhjet e disa javëve më parë morën detyrën në katër komuna.

Në protestën e fillimit të javës u plagosën 30 paqeruajtës dhe 52 serbë që protestuan kundër hyrjes në institucionet lokale të kryetarëve të zgjedhur.

Dhuna e nxiti NATO-n të vendosë dërgimin e mbi 700 trupave shtesë në Kosovë, duke e rritur misionin e saj prej 4 000 trupash.

Lexo po ashtu:  “Aty ku ka britma, nuk ka njohuri të vërteta”. Thënie nga Leonardo da Vinci që do t’ju fusin thellë në mendime

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *