KUJDES! Portalet Fake shpërndajnë lajme të rreme kundër Albin Kurtit dhe LVV’së

Lufta speciale dhe propagandistike tanimë ka filluar. Ju informojmë se muajve të fundit, në mënyrë të organizuar, janë hapur shumë portale anonime që si detyrë kanë sajimin dhe lansimin e “Fake News” dhe atë ekskluzivisht kundër Lëvizjes Vetëvendosje! dhe kundër kandidatit për Kryeministër të Kosovës, Albin Kurtit, shkruan MekuliPress.com


Një hetim ligjor se kush është pronar i këtyre portaleve të rreme do të ishte me rëndesi për shëndetin psiqik të qytetarit. Kush i paguan këto portale? Kush i sponosoron? Cili shtet armik po investon kundër LVV-së? Cila parti politike po derdhë shuma të mëdha parash për të shpërnda lajmin e rremë? Ftojmë opinionin publik që të jetë i vëmendshëm dhe përjashtues nga kjo lloj propagande e organizuar. Është e drejtë e secilit medium të mbështes hapur ndonjë parti politike, por nuk është e ligjshme, nuk është profesionale e as demokratike shpërndarja e gënjeshtrave dhe manipulimeve në publik. Shpërndarja e lajmit të rremë është e dënueshme edhe sipas kodit profesional të gazetarisë.

MekuliPress ka shënjuar së PAKUT 7 portale fake që janë nën kritikën e mikroskopit tonë profesional. Më e keqja është se këto portale të rreme mbështeten financiarisht nga partitë politike të Kosovës, pra lajmi i rremë po sajohet me paratë e qytetarëve të varfër të Kosovës.
Lusim të gjithë lexuesit e ndershëm që të raportojnë këto faqe në Facebook per manipulimin dhe shperndarjen e lajmeve te rreme nepër media sociale.

Ju informojmë se redaksia MekuliPress së shpejti do të del në publik me emrat e portale të rreme.

Nëse e keni shijuar këtë artikull, ndajeni atë me familjen dhe miqtë tuaj!