Presidenti i Serbisë, Aleksandar Vucic në një intervistë për gazetën franceze “Figaro”, në vitn 2019, kishte thënë se shqiptarët duan të dominojnë Ballkanin, rikujton MekuliPress thënjen e presidentit serb.
Vuçiç në këtë intervistë kishte thënë se që nga lufta e vitit 1999 me Serbinë, shqiptarët kanë përdorur imazhin e tyre të mirë, të krijuar nga propaganda e NATO-s, për të arritur qëllimet e tyre.
“Ata kanë krijuar interesa të reja kombëtare që synojnë mbizotërimin në Ballkan. Kështu, 28 Nëntori është festa kombëtare e Shqipërisë, dhe Kurti ka paralajmëruar tashmë një marshim të madh drejt Tiranës duke sulmuar Edi Ramën pasi Kurti kundërshton politikën e bashkëpunimit në Ballkan, politikë e mbështetur nga Kryeministri shqiptar ” kishte thënë presidenti serb.
Duke folur për mini-shengenin ballkanik, Vuçiç shprehej shumë i lumtur që po merr pjesë.
“Unë i jam mirënjohës kryeministrit shqiptar Edi Rama dhe atij të Maqedonisë së Veriut, Zoran Zaev që iniciuan bashkë me mua projektin e Mini Schengen-it, i cili ka si synim lëvizjen e lirë mes vendeve të Ballkanit” tha Vuçiç.