Kryeministri i Kosovës, në intervistë për RTK-në, flet për zhvillimet e fundit politike, ekonomike, shëndetësisë, sigurisë e arsimit në vend.
Duke folur për Kishën Ortodokse Serbe, kryeministri Kurti deklaroi se në marrëveshje shkruan “formalizim i statusit”.
Ai tha se kjo “nuk do të thotë ndryshim”. Sipas tij, ky “formailizim”, nënkupton atë që e ke diçka, por që do që të formalizohet.
Kryeministri Kurti u shpreh se edhe në bisedimet e zhvilluara në Ohër, ua ka thënë këtë.
”U thash se sa e di unë, Serbia është shtet sekular. Pra, për formalizim të statusit, u thash se jam i interesuar të bisedoj hapur me Patriarkun Profirije”, sqaroi Kurti.
Ai tha se ndërmjetësve evropianë dhe presidentit të serbisë u ka thënë se nuk ka kuptim që një institucion relegjioz të përfaqësohet nga zyrtarë të një shtet sekular.
Kurti tha se atij i është thënë se Patriarku refizon të takohet me të. “Jam i vetmi kryeministër që i kam dy vjet mandat dhe ata refuzojnë të takohem”.