Dijana Toska
Nëse vlerësoni gazetarinë tonë të pavarur, na mbështetni me një "kafe" simbolike për të mbajtur Mekuli Press të lirë nga çdo ndikim!
☕ Mbështete sot MekuliPress. Ruaje të vërtetën shqiptareDikur mbi fotografinë e një krimineli shkruante, “Kërkohet ky person”!
Sot mbi fotografin e një krimineli shkruan, “Votone këtë person”!
Dikur nuk kishte lista të zeza sepse vepronte drejtësia.
Sot ka lista të zeza të cilat në mungesë të drejtësisë i ka vendosur aleati ynë më i madhë SHBA, por ne kemi vendosur ti injorojmë.
Sot, personat në lista të zeza të Amerikës, jo që nuk i kemi dënuar, por vazhdojmë ti respektojmë duke i futur si kandidatë kryesor në listat e deputetëve dhe nëpër institucione shtetërore.
Dikur kishte përgjegjësi, gazetarët dhe mediumet edhepse punonin në kushte të vështira, me lajmet e tyre informonin popullin për gjendjen reale dhe fitonin besim e admirim.
Sot në shumicën e mediumeve të krijuara nga oligarkë dhe grupe të ndryshme interesi mund të shohish gjithëçka të zezë, veq kulturë, informim, e profesionalizëm nuk mund të gjesh.
Dikur gazetarët ishin veq gazetarë.
Sot disa gazetarë të djeshëm bashkë me disa junior të ri kanë kapitalizuar dhe monopolizuar hapësirën informative duke e kalkuluar lajmin me para dhe me dezinformatat e tyre kanë futur këtë profesion të shenjtë në listat e zeza të mjerimit.
Dikur kishte disa standarte jetësore ku aplikoheshin disa zakone etike të të drejtave dhe të përgjegjësive në shoqëri të cilat vetvetiu impononin një jetë më normale.
Sot çdo standart e vlerë shoqërore e morale ka humbur kuptimin, përderisa ne si shoqëri në kontinuitet i vlerësojmë, i zgjedhim, i respektojmë e u aplaudojmë njerëzit e futur në lista të zeza.
Faqja zezë.