Sipas profesor i arkeologjisë nga Universiteti i Zvicrës, Albert Hafner në një intervistë për universitetin tha se zbulimi nën liqenin e Ohrit në fshatin Lin, Shqipëri, konfirmon se vendbanimet në breg të liqenit të rajonit, i cili shtrihet në kufirin malor të Maqedonisë së Veriut, janë shumë më të vjetra sesa pritej nga arkeologët.
Gjetjet e bëra nga arkeologët zviceranë dhe shqiptarë me ndihmën e zhytësve profesionistë tregojnë se Lin shërbeu si një qendër për zhvillimin e bujqësisë, zejtarisë dhe peshkimit rreth 8500 vjet më parë, duke e bërë atë fshatin më të vjetër buzë liqenit të zbuluar deri më sot dhe madje edhe më i vjetër se ato që gjenden në Italinë jugore dhe në mbarë Evropën.
Deri në gjetjen e projektit EXPLO, vendbanimet më të vjetra të njohura më parë në rajonet e Mesdheut dhe Alpine ishin disa qindra vjet më të rinj. Data e re e radiokarbonit tregon midis viteve 6000 dhe 5800 para Krishtit si një shenjë kohore për një nga vendbanimet më të hershme të Evropës të shtëpive me këmbë.
“Sitet arkeologjike në liqenet e Ballkanit jugor (Greqi, Shqipëri dhe Maqedoninë e Veriut) ofrojnë një mundësi të shkëlqyer për të hetuar arkivat e pasura të ndryshimeve shoqërore dhe mjedisore në djepin e bujqësisë evropiane. Sedimentet natyrore të liqeneve dhe vendbanimet prehistorike të zhytura në ujë ofrojnë kushte të jashtëzakonshme ruajtjeje dhe njohuri unike holistike në dinamikat e antroposferës, biosferës dhe gjeosferës së kaluar”, thuhet në faqen e internetit të projektit EXPLO.
Arkeologu shqiptar Adrian Anastasi tha për AFP se ndërtimi i fshatit të tyre mbi shtylla ishte një detyrë komplekse, shumë e ndërlikuar, shumë e vështirë dhe është e rëndësishme të kuptojmë pse këta njerëz e bënë këtë zgjedhje.
Arkeologët që kanë punuar në vend për katër vjet, duke zbuluar fara të ndryshme, bimë dhe eshtra të kafshëve të egra dhe të zbutura, së fundmi u ndeshën në një mister të ri për t’u përpjekur dhe për ta zgjidhur. Zbulimi i palisadave sugjeron se vendbanimi ishte i fortifikuar me mijëra dërrasa me thumba të përdorura si barrikada mbrojtëse, por arkeologët nuk janë të sigurt pse u nevojitej fshatarëve.
Sipas arkeologëve do të duhen edhe dy dekada që vendbanimi të eksplorohet dhe studiohet plotësisht dhe të nxirren përfundimet përfundimtare.
Marrë dhe përshtatur nga Usatoday.com