Presidenti ukrainas, Volodymyr Zelensky tha se ai ka folur me kryeministrin e Mbretërisë së Bashkuar Boris Johnson dhe “ka marrë garanci për mbështetjen e tij”. Telefonata vjen përpara samitit urgjent të NATO-s që do të mbahet ditën e nesërme në Bruksel.
Zelensky shkroi në Twitter se ata “diskutuan kursin e armiqësive dhe ndihmën e mbrojtjes për Ukrainën”. Siç raportuam më herët, Johnson u tha kolegëve të tij të kabinetit se “Perëndimi nuk duhet të hezitojë të shkojë më tej në forcimin e sanksioneve dhe ofrimin e ndihmës së mëtejshme ushtarake mbrojtëse për Ukrainën”, raporton BBC.
Samiti i NATO-s i së enjtes në Bruksel pritet të zhbllokojë ndihmën shtesë për Kievin, duke përfshirë pajisje për të ndihmuar Ukrainën të mbrohet nga kërcënimet kimike, biologjike, radiologjike dhe bërthamore.