Thënia nga më të vlefshmet nga vijnë nga vende të ndryshme të botës. Sot po ju sjellim këtë koleksion të urtësisë së kulluar nga vende të ndryshme.
Duke u nisur nga fakti që çdo lindje është e mundimshme do të ishte gabim të mendohej se edhe çdo mundim është një lindje.
Është e lehtë t’i urresh ata që nuk i njeh mirë.
Rrushi jep tre frute njëri pas tjetrit: kënaqësitë, dehjen dhe pendimin.
E shtyrë nuk do të thotë ende e anuluar.
Më e lagur se e lagura nuk mund të ketë.
Pronësia është e neveritshme në parimin e saj, dhe vrastare në pasojat e saj.
Kuturisja nuk njeh kufi.
Të gjitha komeditë përfundojnë me dasma.
Lotët e pleqve janë të tmerrshëm, aq sa ç’janë të natyrshëm lotët e fëmijëve.
Në mjekësi, karroca (automobil sot) nganjëherë është më e rëndësishme se dijet.
Nuk ka mirëkuptim më të madh në botë, se sa midis dy brendave të ngjashme.
Zogu njihet nga kënga.
Të dashuruarit i ngjajnë somnambulëve, ata shohin jo vetëm me sy, por me gjithë trupin.
Ndjenja e ironisë – garanci e fortë e lirisë.
Vuajtjet e thella nuk flasin.
Asgjë nuk vjen vetiu, asgjë nuk jepet më paradhënie, çdo gjë krijohet.
Dashuria? Është rruga më e shkurtër nga një zemër te tjetra: vijë e drejtë.
Fakti në vetvete nuk është asgjë; ai fiton vlerë vetëm në sajë të idesë me të cilën lidhet ose përforcon argumentin që i detyrohet.
Kushtëzimi duhet respektuar në të veçantën, rregulli në të përgjithshmen.
Vera për trupin, qeshja për shpirtin.
Korniza ku është futur guri i çmuar rrit çmimin, por jo vlerën e tij.
Uji i ndenjur është helmues.
Kudo që të ngjitet zogu me krahët e vet, nuk është shumë lart për të.
Të rrahurat dhe të sharat janë si ilaçet: ndjeshmëria ndaj tyre vjen duke u ulur shpejt dhe lind nevoja të dyfishohen dozat.
Korbi e gjen kërmën.
Në sheshin e tregut nuk rritet bari.
Të përkundërtat nuk janë në kundërshti me njëra-tjetrën, ata vetëm plotësojnë njëra-tjetrën.
Kurora mbulon shpesh herë një çaçkë boshe.
Më thuaj çfarë ha, të të them kush je.
Në të ardhshmen ne futemi bythambrapsht.
Dukuritë më tragjike nuk janë aspak edhe më seriozet.
Të gjesh është lehtë, vështirë është të thithësh të gjeturën.
Moda është e gjinisë femërore, ndaj edhe është aq kapriçoze.
Zemra…është një enë e shenjtë, plot me të fshehta.
Përrenjtë e vegjël janë të kaltër sepse janë të cekët.
Suksesi gjithnjë ka qenë pjellë e leximit.
Ambasadorët janë syri dhe veshi i shtetit.
Gjumi shpikje e mrekullueshme.
Shqipja, që çan retë me fluturimin e saj trimëror, pranë sipërfaqes së tokës fluturon ngadalë se dallëndyshja.
Përgjigja më e shkurtër është veprimi.
Kujdesi futet edhe në vrimën e çelësit.
Ku ka shumë dritë edhe hijet janë më të dendura.
Kur kafeja të derdhet në rroba, ajo nuk është më kafe, por papastërti.
Shija e pudingut njihet në të ngrënë.
Shtërzuan malet dhe lindën një mijë të mjerë.
Premtimet janë kurthe ku bien budallenjtë.
Ideali, ashtu si pema, duhet të lëshojë rrënjët thellë në tokë.
Miku më i madh dhe armiku më i madh i njeriut është përfytyrimi i tij.
Nuk ka gjë më të lehtë se të korrësh duartrokitjet e maskarenjve.
Debati – kripa e mendimit.
Vetia themelore e prozës së mirë është që ajo të jetë e natyrshme dhe ritmike, siç është frymarrja.
Margaritari nuk firon në baltë.
Ligësia është si mushka: kryeneçe dhe shterpë.
Të udhëtosh do të thotë të lindësh dhe të vdesësh minutë për minutë.
Tri gjërat nuk kthehen më kurrë: shigjeta e lëshuar, fjala e thënë dhe ditët e kaluara.
Nuk mjafton vetëm të kesh mendje të shëndoshë – rëndësi ka të dish ta përdorësh atë.
Risia është në mendjen krijuese dhe jo në natyrën e pasqyruar.
Çdo gjellëbërës lëvdon salcën e tij.
Errësira më e thellë është në orët para agimit.
Parfumet më të mira janë gjithmonë në shishka të vogla.
Uji që rrjedh jashtë vijës nuk shërben për të vënë në lëvizje mullirin.
Rëndësi ka hapi i parë.
Të shkurtosh distancën do të thotë të përshpejtosh kohën. Këtej e tutje ne nuk do të jetojmë më shumë, ne do të jetojmë më shpejt.
Kush lexon, ai di shumë; kush vrojton ai di, herë-herë, edhe më shumë.
Malli i ofruar, thuajse përgjysmë i shitur.
Vetëm intonacioni bind.
Gjithçka e saktë është e shkurtër.
Mendimi ngjizet në shpirt, si reja në ajër.
Gjenialiteti është aftësia për të parë të padukshmen, për të lëviz të pakapshmen, për të pikturuar ç’nuk ka formë.
Secilit sipas nevojave, prej secilit sipas aftësive.
E kemi vështirë të ndahemi me arë që e deshëm për aq kohë me zjarr.
Më e lehta dhe më e thjeshta shpesh herë kërkon shumë mund për t’u gjetur.
Gjumi ka gjithësinë, gjeografinë, gjeometrinë dhe kalendarët e tij.
Ku sheh syri dhe shkel këmba e të zotit të punës, atje edhe dheu rilind.
Hapi i atyre që prijnë është më i fortë se i atyre që vijnë pas.
Kush nuk lë gjë pa bërë, duhet t’i trembet çdo gjëje.
Duhet shumë thjeshtësi për të krijuar diçka të madhe.
Lumenjtë më të thellë rrjedhin me më pak zhurmë.
Favoret mbretërore nuk i përjashtojnë meritat, por nuk janë edhe provë e ekzistencës së tyre.
Rrallë fitojmë veti të cilat nuk na hyjnë në punë.
Konkretja s’është veçse abstraktja e bërë e zakonshme në saje të përdorimit.
Veprimi vërtetë është ai që kryhet duke mposhtur natyrën tënde, duke mposhtur egoizmin tënd.
Hapësira është simboli i pushtetit tim. Koha simbol i pafuqisë sime.
Era fik qiriun por ndez zjarrin.
Interesi flet në të gjithë gjuhët dhe i luan të gjitha rolet, duke përfshirë edhe atë të mosinteresit.
Pasionet janë oratorët e vetëm që bindin gjithmonë.
Njeriu më lehtë heq dorë nga leverdia se sa nga pasioni.
Duke plakur bëhesh më i çmendur dhe më i mençur.
Kryelartësisë nuk i pëlqen të jetë borxhlie, ndërsa sedrës nuk i pëlqen të paguajë.
E mirë zonja e shtëpisë – e mirë dhe vera.
Ai që është gjithmonë dhe me çdo gjë i kënaqur, nuk kënaq asnjeri.
Fisnikëria e shpirtit të bën borxhli.
Shkencëtar nuk është ai që jep përgjigjet e duhura, por ai që shton pyetjet e duhura.
Zogu, edhe kur ecën, duket që ka krahë.
Fatkeqësitë nuk e shkatërrojnë kaq shumë lumturinë, sa ç’e shkatërron trishtimi.
Të rrosh, do të thotë jo vetëm të ndryshosh por edhe të mbetesh vetvetja.
Nuk ka profesione të marra, ka njerëz të marrë.
Çudia më madhe është se dukuritë me të vërtetë të çuditshme mund dhe duhet t’i ndeshim çdo ditë.
Çdo shikues sjell në teatër akustikën e tij.
Që të pëlqehesh nuk është e domosdoshme të jesh i drejtë.
Kur fillon të tërhiqesh pas njerëzve të jashtëzakonshëm fillon dhe i takon ata kudo.
Nga të gjitha shkencat njerëzore, shkenca për njeriun është më e denja për njeriun.
Fundi varet nga fillimi.
Me sa duket, në botë nuk ka gjë që nuk mund të ndodhë.
Prometeu është shenjtori dhe martiri më fisnik në kalendarin filozofik. /