Me rastin e festës së 28 dhe 29 nëntorit, në Komunën e Prizrenit është bërë përurimi i shtatores së Gjergj Kastriotit-Skënderbeut, por ajo çfarë vihet re është se figura e heroit tonë kombëtar na shfaqet ndryshe nga çjemi mësuar që ta shohim dhe më kryesorja është pa kalin e tij.

Përveç figurës së Skënderbeut, rëndësi duhet t’i jepet edhe figurës së kalit sepse kali përdoret si simbol që ka shoqëruar heroin. Barleti e thekson se kali qe i një race të zgjedhur dhe pas vdekjes së Skënderbeut nuk pranoi t’i hipte tjetër njeri. Në përurimin e shtatores ka qenë edhe kryetari i komunës së Prizrenit Mytaher Haskuka, i cili ka deklaruar se tanimë Gjergj Kastrioti – Skënderbeu sot iu bashkua Prizrenit, kryeqytetit historik e shpirtëror të shqiptarëve.

“Me rastin e 28 Nëntorit Ditës së Flamurit sot është bërë përurimi i shtatores së Gjergj Kastriotit-Skënderbeut, projekt i realizuar nga Drejtoria e Administratës në bashkëpunim me shoqatën “Trojet e Arbërit”. Me këtë rast kryetari Haskuka theksoi se Gjergj Kastrioti – Skënderbeu sot iu bashkua Prizrenit, kryeqytetit historik e shpirtëror të shqiptarëve.

Lexo po ashtu:  Deputetja britanike: Beogradi ka orkestruar bojkot të zgjedhjeve, qytetarët në veri po kërcënohen nga grupet kriminale

Për nder të kësaj feste, kryetari Haskuka së bashku me drejtorët komunalë po ashtu bënë homazhe tek varrezat e dëshmorëve në Landovicë, ndërkaq gjatë ditës u realizuan edhe aktivitete të ndryshme të mbështetura nga Komuna e Prizrenit”, thuhet në postimin e komunës së prizrenit.

Ndërkaq kujtojmë monumenti i Skënderbeut në Prishtinë është kopje e atij në Krujë, i ulur në kalë, derisa kali ngritë këmbën e djathtë, po ashtu edhe Skënderbeu me dorën e djathtë mban shpatën, kokën e ka të kthyer kah armiku ngaqë përballet me një ushtri shumë më të madhe. Ky bust i ri në Prizren duket ndryshe nga këto të parët.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *