Ekzistojnë simptoma të ndryshme të diabetit që ndryshojnë nga një person tek tjetri, por më e zakonshme është ajo që shpesh ngatërrohet me sëmundje të tjera. Le të shohim se cila është ajo:
Simptomat e diabetit të tipit 2 në fazën e tij të hershme, janë mjaft delikate dhe në shumicën e rasteve sëmundja zbulohet vetëm kur gjendja bëhet e rëndë dhe rreziku i komplikacioneve rritet. Nëse zbulohet herët, diabeti është më i lehtë për t’u trajtuar dhe madje është i kthyeshëm në disa raste.
Ata që vuajnë nga kjo sëmundje, jetojnë në një gjendje ku trupi i tyre nuk prodhon, ose nuk është në gjendje ta përdorë insulinën e prodhuar. Insulina shndërron glukozën në energji. Pra, diabeti çon në një rritje të nivelit të sheqerit në gjak, i cili mund të ndikojë në organe të shumta në trup dhe në funksionet e tyre. Ka simptoma të ndryshme, të cilave duhet t’i kushtoni vëmendje, ndër to më e rëndësishme ështëurinimi i shpeshtë që përbën dhe shenjën më të shpeshtë, por edhe më të nënvlerësuar.
Nëse e ndjeni të nevojshme të shkoni shpesh në tualet, ose të zgjoheni shpesh gjatë natës për të urinuar, është mirë të bëni një test për diabetin e tipit 2. Kjo simptomë shfaqet kur sasia e glukozës ose sheqerit në gjak rritet dhe veshkat duhet të punojnë më shumë për ta eliminuar atë. Prandaj, kjo gjendje shkakton prodhimin e tepërt të urinës. Ka njerëz që zgjohen natën edhe çdo 2 ose 3 orë për të shkuar në tualet. Nëse ky problem nuk menaxhohet në kohë, mund të dëmtojë rëndë veshkat, por edhe organe të tjera (zemrën, sytë etj).