Votuesit në Zvicër kanë hedhur poshtë një mocion referendumi që do t’i jepte fund fabrikave të bagëtive në vend.
Pothuajse dy të tretat e atyre që hodhën votën kundërshtuan nismën, e cila do të kishte nxjerrë jashtë ligjit metodat intensive të bujqësisë.
Sindikatat e fermerëve e kishin kundërshtuar masën, duke argumentuar se të drejtat e kafshëve mbrohen tashmë nga kufizimet ekzistuese, të cilat kufizojnë sasinë e bagëtive që çdo fermë e vetme mund të mbajë.
Qytetarët kishin shprehur shqetësim edhe për ndikimin në çmimet e ushqimeve.
Në një referendum të veçantë, zviceranët ranë dakord të rrisin moshën e pensionit për gratë nga 64 në 65.