Presidenti i Serbisë, Aleksander Vuçiç e ka cilësuar ditën e sotme si të veçantë për vendin e tij. Vuçiç ka njoftuar firmosjen e një marrëveshjeje me kompanianë Stellantis për prodhimin e makinave elektrike në Serbi, proces që do të nisë në vitin 2024.
Një erë e re ka nisur…Ne duhet të mendojmë…për çmimin e elektricitetit, për të patur çmim të lirë, pra më të lirë se të tjerët dhe që ta arrijmë këtë duhet të kemi më shumë energji të rinovueshme, të nisim të ndërtojmë impiante të këtij lloji, është shprehur presidenti serb.
Makinat që pritet të prodhohen do të kenë bateri të veçanta që kushtojnë sa 40% e çmimit të plotë.
Ky është një investim prej rreth 190 milionë eurosh, Serbia do të japë 48 milionë euro. Është e rëndësishme për Kragujevacin, Shumadijen për mbarë Serbinë. Nuk është vetëm çështja sesa njerëz do të punësojë, por edhe se çfarë lloj vlere të re do të prodhojë…Stellantis do të ketë 80-100 modele të reja deri në vitin 2030 dhe është e qartë se çfarë lloj revolucioni po përgatitet në tregun e automobilëve, ka thënë ai.