Përballë zhvillimeve të fundit në vend, Qeveria e Republikës së Kosovës dhe institucionet e saj të sigurisë, janë të përkushtuara për t’iu përgjigjur sfidave të sigurisë si në veri të vendit, ashtu edhe në tërë territorin e Republikës së Kosovës. Bashkë me policinë e Kosovës dhe me të gjithë komponentët e sigurisë, vendorë dhe ndërkombëtarë, shteti i Kosovës do ta ruajë kompaktësinë e veprimeve në mënyrë racionale, përmes rrugësh intitucionale dhe me qasje koordinuese gjithëpërfshirëse.
Kosova ka dalëzotësit e saj dhe ajo është e mbrojtur nga djemë dhe vajza brenda dhe jashtë institucioneve. Kosova mbetet e pacënueshme dhe e vendosur në përpjekjen e saj legjitime dhe të drejtë për shtrirjen e sovranitetit dhe për të mbrojtur si territorin ashtu edhe qytetarët e saj.
Veprimet e autoriteteve serbe janë manifestim i politikave agresore dhe hegjemone të Serbisë autoritare dhe proruse në Ballkan. Çdo përpjekje për depërshkallëzim duhet të llogaris edhe mungesën e vullnetit të Serbisë për këtë dhe veprimet e saj provokuese dhe nxitëse.
Komuniteti ndërkombëtar duhet t’i dënoi veprimet e Serbisë dhe t’iu qëndroj deri në fund palëve prapq sipas gatishmërisë së tyre përkatëse drejt gjetjes së rrugëve të depërshkallëzimit në veri të vendit.
Me Republikën e Kosovës dhe për qytetarët e saj!
https://www.facebook.com/mehaj.armend/posts/584983527076365?ref=embed_post