Dhimbja e kokës është një ndër problemet që hasin shumë nga grupmoshat e ndryshme. Mirëpo kjo dhimbje bëhet edhe më stresuese në mëngjes, pasi trupi gjatë gjithë natës ka qenë në qetësi.
Më poshtë Agroweb ju tregon disa nga shkaktarët më befasues të dhimbjes së kokës që krijohet në mëngjes.
Gjumë i Tepruar:
Nëse flini më shumë se nëntë orë, atëherë bie niveli i serotoninës, një hormon i çliruar nga truri. Sa më të ulëta të jenë nivelet e serotoninës, aq më pak gjak qarkullon në tru, gjë që nxit dhimbjen e kokës.
Luhatjet Hormonale:
Në mëngjes, nivelet e endorfinës, hormonit të humorit të mirë janë të ulëta.Një gjë e tillë mund të shkaktojë migrenë tek disa njerëz. Aktiviteti fizik në mëngjes nxit prodhimin e hormoneve dhe mund të pushojë dhimbjen e kokës.
Gërrhitja:
Gërrhitja, mungesa e ajrit, marrja e frymës pakësojnë sasinë e oksigjenit në tru dhe prishin cilësinë e gjumit. Mungesa e oksigjenit zgjeron enët e gjakut dhe qarkullimin e tij në tru. Presioni është i lartë dhe koka dhemb.
Mungesa e Kafesë:
Kafeina luan rol stimulus për sistemin nervor.Nëse jeni mësuar duke e pirë kafenë në një orë të caktuar dhe nuk i përmbaheni rutinës, do të ndieni dhembje të fortë të kokës. Sipas të dhënave, heqja dorë nga kafeja ka të njëjtin efekt dhe rrit presionin në tru duke shkaktuar dhimbje koke.
Depresioni
Dhimbjet e kokës mund të ndodhin edhe si pasojë e depresionit. Ky i fundit ka lidhje të fortë me nivelet e ulëta të serotoninës. Studimet tregojnë se depresioni prish gjumin dhe dhimbja e kokës prish humorin, duke krijuar kështu një rreth vicioz të pakapërcyeshëm.
Tensioni i lartë
Nëse vuani nga tensioni i lartë i gjakut, atëherë dhimbjet e kokës janë më frekuente. Tensioni i lartë i gjakut është një sëmundje që kurohet nëpërmjet ndryshimeve thelbësore në regjimin ushqimor dhe medikamenteve përkatëse./abcnews.al