Nënkryetarja e Kuvendit të Kosovës, Arbërie Nagavci thotë se kërcënimet e zyrtarëve amerikan për tërheqje të trupave nga Kosova kanë qenë individuale dhe të shtyra nga presidenti, Hashim Thaçi.
Nagavci në një intervistë për Kp, u shpreh se i pari i vendit në tentimin për përmbylljen e marrëveshjes përfundimtare me Serbinë është duke i tejkaluar kompetencat e tij.
Nagavci: Deklaratat kanë qenë të shtyra nga brenda
“ Më shumë se deklarata individuale ka qenë një gjë që është shtyrë edhe nga brenda. Më shumë nga brenda se nga jashtë. Nuk mendoj që i bën nder askujt që të krijoj panik ose frikë tek qytetarët. Ose për interesa të një grupi të ngushtë të personave, e në radhë të parë të presidentit Thaçi i cili ka qenë shumë i pa përmbajtur kohëve të fundit dhe ka qenë shumë jo përgjegjës ndaj rolit të tij që i përcakton kushtetuta”, thotë ajo.
Sipas saj, nuk është hera e parë që presidenti Thaçi nuk po i përbehet rolit të tij kushtetues.
Nagavci: Presidenti po i tejkalon kompetencat e tij
“Kjo nuk është hera e parë qe presidenti i vendit i tejkalon njëfarë forme kompetencat e tij. Ai nuk po përmbahet rolit të tij kushtues. Ka qenë gabim se edhe deklaratat e fundit që i diskutuam se duhet të vazhdohet bashkëpunimi me ShBA-të duke përjashtuar BE-në janë nisur nga Thaçi. I cili thuajse harroj gati gjithë dekadën dhjetë vjeçare të bashkëpunimit me institucionet e BE-së, duke mohuar edhe punën e tij të mëhershme”, thotë Nagavci.
Krahas kësaj nënkryetarja e Kuvendit nga radhët e Lëvizjes Vetëvendosje thotë se qasja që po proklamohet nga presidenti Thaçi, ose me ShBA-të, ose me BE-në është gabuese dhe e dëmshme.
Nagavci: Është gabim që të bëhet një preferencë qoftë në mes të ShBA-ve, apo vendeve të BE-së
“Aleancat tona duhet të vazhdojnë në të njëjtën mënyrë. Është gabim që të bëhet një preferencë qoftë në mes të ShBA-ve, apo vendeve të BE-së. Unë besoj që një gabim të tillë nuk do të bëjmë. E këtë nuk e bëjnë as qytetarët e Republikës së Kosovës. Andaj as ne si përfaqësues të qytetarëve të vendit. Aleanca e jonë duhet të vazhdojë strategjinë me të gjitha vendet që na kanë përkrahur”, thotë Nagavci.
Duke folur për bashkëqeverisjen me LDK-në, Nagavci thotë se duhet të gjendet zgjidhja sa më parë sa i përket largimin të taksës ndaj Serbisë dhe vendosjes së reciprocitetit.
Nagavci: Bashkë me partnerin tonë qeverisës të gjejmë një zgjidhje
“Shpresoj që bashkë me partnerin tonë qeverisës të gjejmë një zgjidhje. Një rrugëdalje nga kjo situatë. Nuk mund të flas në emër të LDK-së”, thotë ajo.
Ditë më parë karshi institucion eve të Kosovës erdhën kërcënime serioze nga senatorë amerikan për tërheqje të trupave të tyre nga Kosova, në rast të mos largimin të taksës ndaj Serbisë dhe Bosnjës.