“Sot, Zyra e Departamentit të Thesarit të SHBA-ve ndërmori veprime për të caktuar aktorë në Ballkanin Perëndimor për aktivitete destabilizuese dhe korruptive”.
Ky do të ishte reagimi nga Sekretari Amerikan i Shtetit, Antony Blinken, i cili ka përshëndetur vendimin për të shpallur një sërë personash nga Shqipëria, Bosnjë dhe Hercegovina, Mali i Zi dhe Maqedonia e Veriut si njerëz të pakualifikuar për të hyrë në SHBA.
Blinken theksoi se, “SHBA-të dhe partnerët si Britania e Madhe po mbajnë përgjegjës ata që kërcënojnë stabilitetin, përparimin dhe integrimin evropian të rajonit”.
Kujtojmë që në Shqipëri iu sanksionua pasuria ish-deputetit Aqif Rakipi dhe biznesmenit Ylli Ndroqi.
Today the @StateDept and @USTreasury took action to designate actors in the Western Balkans for destabilizing and corrupt activities. The U.S. and partners like the UK are holding accountable those who threaten the region's stability, progress, and European integration.
— Secretary Antony Blinken (@SecBlinken) April 11, 2022
Po ashtu, edhe ambasadorja e SHBA-ve në Tiranë, Yuri Kim, ka përshëndetur vendimin.
Kujtojmë që Zyra e Departamentit të Thesarit të Shteteve të Bashkuara të Amerikës për Kontrollin e Pasurive të Huaja (OFAC), të hënën e 11 prillit, ka sanksionuar ish-deputetin Aqif Rakipi dhe biznesmenin Ylli Ndroqi.
Sipas Departamentit Amerikan, përmes korrupsionit, aktivitetit kriminal dhe sjelljeve të tjera destabilizuese, ata kanë kërcënuar stabilitetin e rajonit.
Departamenti i Thesarit shpjegon se, si rezultat i vendimit të sotëm, të gjitha pronat dhe interesat në pronësinë e individëve ose subjekteve të përcaktuara, që janë në Shtetet e Bashkuara ose në zotërim, ose kontroll të personave amerikanë duhet të bllokohen dhe të raportohen në Zyrën për Kontrollin e Aseteve të Huaja.
Ky vendim i bën ata dhe pjestarët e familjes së tyre të ngushtë të pakualifikuar për të hyrë në Shtetet e Bashkuara.