Deputeti i Lëvizjes Vetëvendosje, Hajrulla Çeku, ka kërkuar shkarkimin e ministrit të Shëndetësisë, Armend Zemaj.
Ai thotë se meqenëse “dorëheqja është akt moral”, nga ai nuk pritet një gjë e tillë, prandaj duhet të shkarkohet.
Arsye për këtë kërkesë Çeku ka thënë se janë vdekjet e fundit nga koronavirusi.
“Edhe sa njerëz duhet të vdesin që të shkarkohet Armend Zemaj? Dorëheqje nuk mund të presim prej tij, sepse dorëheqja është akt moral”, shkroi ai në një postim në “Facebook”.