Ministri i Punëve të Jashtme, Glauk Konjufca ka marrë vendim për shkarkimin e 14 konsujve nëpër konsullata të Kosovës, disa prej të cilëve kanë pasur lidhje të afërta me partitë politike.Në mesin e të shkarkuarve është edhe konsulli i Kosovës në Ambasadën e Republikës së Kosovës në Doha të Katarit, Esheref Haxhiu.
Haxhiu nëpërmjet llogarisë së tij në Facebook, është ankuar lidhur me këtë veprim të ministrit me arsyetimin se humbi tre vende pune për tu bërë diplomat.
Pavarësisht humbjes së këtij vendi të punës, megjithatë Haxhiu duket se nuk mbeti i papunë. Krahas detyrës si konsull i Kosovës në Doha, ai jepte këshilla psikologjike në internet kundrejt pagesës.
Nëpërmjet Facebookut ai kishte njoftuar se për 20 euro seancën, ofronte shërbime këshillimi.
“Te dashur miq,
Deshiroj qe te ju njoftoj se kam filluar qe te oferoj sherbime keshillimi online nepermjet Skype. Cmimi i nje seance eshte 20 euro.
Profili i shkurte i terapistit:
– Master ne Psikologji Keshillimi – Universiteti i Sheffieldit.
– Specializim ne Terapine e Njohjes dhe te Sjelljes – Asociacioni Israelit per Terapi te Njohjes dhe te Sjelljes.
– Kandidat i Doktoratures ne Psikologji – Universiteti i Varshaves.
– Dy vite pervoje klinike (trajtim i rasteve me stres, ankth, depresion, trauma, si dhe parandalim i vetlendimeve dhe vetevrasjeve). Per informata te tjera, ju lutem te me KONTAKTONI nepermjet emailit ose Skype.
E-mail: esheref.h@gmail.com
Skype: esheref.h
Ju lutem, shperndane me miqet tuaj.”, shkruante ai në Facebook.
Esheref Haxhiu shërbeu si konsull i Kosovës në Ambasadën e Republikës së Kosovës në Doha të Katarit që nga 11 korriku i vitit 2019.