Hysamedin Feraj:
Gëzimet e Edi Ramës?
Kam arsye të besoj, që si menaxher i oligarkëve,
Kur punë e vdekje ka për të gjithë, Rama gëzohet që popullit i ka siguruar të dyja pa pagesë!
Kur vdesin minatorët, gëzohet që vetë nuk punon në miniera!
Kur vuajnë urie naftëtarët, gëzohet që vetë nuk punon në industrinë e naftës!
Kur punëtorët vdesin në vendgrumbullimet e plehrave, gëzohet që vetë qëndron sipër plehrave!
Nga maja e plehut, thërret: “më jepni timonin”! Dhe me gëzim shton me vete:”që t’iu shtyp të gjithëve”!
Si fije bari, i gëzohet plehut që e ushqen!
Si gjallesë e lartë, gëzohet që është më krye të zinxhirit ushqimor!
Shumë gëzime të tillë intimë mund të ketë Edi Rama!
Por më tej s’mund të lartësohet. Instikti i gjallesës deri këtu mund ta udhëzojë!
Siç na vërtetojnë biologët: përmbushja e instinkteve i sjell domosdo kënaqësi e gëzim çdo gjallese të lartë.
Prandaj Rama është i legjitimuar: s’është as nuk mundet me qenë kundër ligjeve të natyrës!
Çka dreqin duan kritikët?!
Çka mund t’iu ofrohet njerëzve më shumë sesa gjendja natyrore, rendi natyror, ligjet e vetë natyrës?
Mbase kritikët presin të jetë magjistar.
Por, të shkretit, i mungon shkopi! Dhe, me sa duket, mendon se pa të nuk mundet me qenë burrështeti.
Ndërkaq shkopi i gomës e zëvendëson atë vetëm deri diku. Nuk e zëvendëson as gjuha. Sadoqë këtë po pëpiqet ta përdorë në mënyrë arrogante.