Kandidati për kryeministër i LVV-së, Albin Kurti edhe njëherë e ka theksuar se nuk do të debatojë me kandidatët tjerë për kryeministra.
Ai tha, fituesi i zgjedhjeve të 14 shkurtit dihet. Në “TV Prizreni”, përcjell MekuliPress, Kurti u shprehë se LVV synon 61 deputetë e sipër.
“Ka një garë të ashpër për vendin e dytë. Fituesi i këtyre zgjedhjeve dihet se kush është. Ne synojmë që të kemi 61 deputetë e sipër prandaj edhe po angazhohemi në fushatë.”
“Nuk jam unë në fushatë se kush do të jetë në vendin e parë sepse ajo dihet tashmë. Ata janë në garë për vendin e dytë. Gara është e ashpër ta shohim se qysh po ju shkon. S’kanë punë as me mua, as presidenten”, u shprehë ai.