Nuk shoh asgjë të diskutueshme në brohoritjet për ‘Ushtrinë Çlirimtare të Kosovës’. Asgjë kundër shtetit të Malit të Zi”, ka thënë ministri për drejtat e njeriut dhe pakica në qeverinë malazeze Mehmed Zenka, shkruan “Novosti”.
Festimi i fitores së simpatizuesve dhe mbështetësve të Forumit Shqiptar pas zgjedhjeve lokale në Tuz, bajraktarizmi me flamuj shqiptar dhe brohoritjet UÇK-së dhe përshëndetjet me simbolin e shqiponjës për ministrin shqiptar të drejtave të njeriut dhe pakicave Mehmed Zenka , nuk përbëjnë asgjë të diskutueshme, shkruan gazeta!
“Flamuri shqiptar është gjë normale tek partitë shqiptare dhe në fund të fundit shqiptarë jemi. Çfarë keni pritur, çfarë flamuj të përdorim për festim. Pikërisht për shkak se Mali i Zi shtet i qytetarëve, është e lejuar përdorimi i flamurit shqiptar, ka thënë Zenka.
“Nuk po shoh asgjë të diskutueshme as në brohoritjet ‘Ushtrisë Çlirimtare të Kosovës’. Asgjë nuk ka kundër shtetit të Malit të Zi. Thjeshtë janë zmadhuar vlerat shqiptare, asgjë tjetër. Me gjithë atë kjo ishte mbrëmje e fitores, euforia ishte e tillë, por absolute asgjë për të lënduar apo ofenduar dike apo vlerat që ka”, ka thënë Zenka.
/MekuliPress.com/
Shpërndaje dhe Pëlqeje MekuliPress