Ishte koha e mbretërisë së Zogut, kur në qytetin juglindor u shënua demonstrata e bukës, më 21 shkurt të vitit 1936. Kjo revoltë popullore u shoqërua me reprezalje disaditore nga regjimi i kohës.
Nëse besoni te gazetaria e pavarur, na mbështetni sot me një "kafe" simbolike. Çdo kontribut na ndihmon ta mbajmë Mekuli Press të lirë, të pavarur dhe pa asnjë ndikim.
☕ Kliko dhe mbështete MekuliPress. Ruaje të vërtetën shqiptare.Ndonëse ajo u shtyp nga Zogu (shoqëruar me masa ndëshkuese, tri-katër ditët më pas), ajo ia arriti qëllimit. Kjo demonstratë njihet si lëvizja e parë masive me objekt dhe kërkesa konkrete, kundër regjimit të kohës.
Arsye kryesore, sipas të dhënave historike, ka qenë shtrenjtimi i jetesës, përkeqësimi i gjendjes ekonomike dhe, ndoshta edhe elemente të krizës së urisë, që zakonisht shoqëronte çdo vit mbarimin e rezervave të vitit të mëparshëm.
Gjithsesi, kjo ngjarje e shënuar, për të cilën pas shumë dekadave është shkruar shumë, zë një vend të rëndësishëm në historinë e protestave masive të popullit shqiptar në shekullin që kaloi, si protestë masive popullore kundër regjimit në fuqi.
