Më 3 qershor të vitit 1917 shoqëria panshqiptare “Vatra” hapi fushatën “Të shpëtojmë Shqipërinë”, me qëllim sigurimin e mjeteve financiare për dërgimin e delegatëve shqiptarë në forumet ndërkombëtare, në mbrojtje të çështjes kombëtare.
Nëse vlerësoni gazetarinë tonë të pavarur, na mbështetni me një "kafe" simbolike për të mbajtur Mekuli Press të lirë nga çdo ndikim!
☕ Mbështete sot MekuliPress. Ruaje të vërtetën shqiptareNisma e kësaj fushate qe marrë nga delegatët e “Vatrës”, Mehmet bej Konica dhe Mihal Turtulli. Në telegramin drejtuar “Vatrës”, ata theksonin: “Çlirimi dhe e ardhmja e Shqipërisë varen nga shqiptarët e Amerikës”. Thirrja e tyre për grumbullimin e 40 mijë dollarëve ishte e ngutshme në gjendjen që ndodhej Shqipëria asokohe. Kjo shumë do të shërbente për ngritjen e një Komisioni Shpëtimi.
“Të japim për nënën” ishte thirrja që depërtoi tek bijtë e Amerikës. 80 qendrat e “Vatrës” nën kryesimin e Kolë Tromarës iu përgjigjën pozitivisht thirrjes duke mbledhur të hollat që do të dërgonin nëpër Evropë delegatët shqiptarë për mbrojtjen e çështjes kombëtare, pa përfunduar ende Lufta e Parë Botërore./atsh/
