Policia e Kosovës ka larguar një pankartë provokuese “Kjo është Serbi” nga ura e këmbësorëve në Soçanicë. Pesë ditë më parë e njëjta parullë është vendosur në rrethojën nga drejtimi nga Mitrovica Veriore në Leposaviq, dhe mbrëmë në urën e këmbësorëve nga drejtimi nga Leposaviqi në Mitrovicën e Veriut.
Banorët e Soçanicës thonë të shqetësuar se të dielën në mbrëmje, rreth orës 23:00, disa “policë të armatosur”, (siç jemi mësuar me dramatizimet e tyre), janë ngjitur në urën e këmbësorëve në Soçanicë, kanë prerë litarët e billbordit me thika dhe më pas kanë futur pankartën “Kjo është Serbi” në një automjet të blinduar.
Qytetarët e këtij vendi sot në mëngjes kanë vërejtur se nga shtyllat në afërsi të urës së këmbësorëve janë hequr edhe flamujt serbë.
Ura e këmbësorëve në Soçanicë është ndërtuar në janar të vitit 2021 në mënyrë që nxënësit dhe banorët e këtij vendi të mund të kalojnë të sigurt rrugën kryesore Leposaviq-Mitrovicë Veriore. Jo shumë kohë më vonë, serbët vendosën një pankartë me mbishkrimin “Kjo është Serbi” dhe disa flamuj serbë.