Drejtori i Përgjithshëm i Doganave, Genti Gazheli, zhvilloi një takim me homologun e Kosovës, Bajram Rexha, në Morinë.
Referuat njoftimit zyrtar, takimi ishte në vijim të frymës dhe të zbatimit të angazhimeve të marra nga dy Qeveritë respektive, në mbledhjen e fundit që u zhvillua në Tiranë.
“Biseda u fokusua mbi implementim e gjithë infrastukturës për të siguruar risitë në funksionimin e Zyrës Doganore të Kosovës, në Portin e Durrësit, e cila pritet të rrisë përpunimin e mallrave dhe të sjellë lehtësi për biznesin e Kosovës” njofton Dogana.
Çështje të tjera diskutimi ishin thellimi i bashkëpunimit mes palëve përsa i përket pikave kufitare, shkëmbimit të informacionit në kohë reale, ngritja e kapaciteteve dhe standardeve të shërbimeve të ofruara nga këto pika.