Ish-kryeminstri i Kosovës, Ramush Haradinaj, ka thënë se dyshon që kryeministri Albin Kurti ‘është njeri i Serbisë”.
Haradinaj mendon se Kurti është recidivist meqë sipas tij ka bërë shumë dëme, duke filluar nga raportet me aleatët e vendimet e brendshme.
“Kryeministri i Kosovës që nuk ftohet në Washingotn është problem. Në shumë fusha të jetës tonë, Kurti po e dëmton qytetarin e Kosovës direkt. Sjellja e tij me mësimdhënës për ato 50 euro. Mburrja që e kemi borxhin publik të vogël, dëgjoni borxhi publik është më pak rrezik se ikja e njerëzve. Ky ka bërë shumë dëme. Duke marrë parasysh edhe ato strategjike me aleatët.
Ky është recidivisht. Po bëhet një listë e gjatë e dëmeve. Dyshoj që është njeri i Serbisë. Ky është i kontratkuar vetëm për dëm për Kosovën. Unë dyshoj që ky është njeri i Serbisë. Një njeri i këtij veni, nuk ia bon këto që po ia bën ky këtij vendi. Ni njeri i këtij vendi nuk i lë fëmijët pa libra”, mendo Haradinaj.