Platforma Artmotion e ka dënuar gjuhën e komentatorit Andin Lokaj gjatë komentimit të ndeshjes Juventus-Inter.
Në reagimin e Artmotion thuhet se gjuha e përdorur nga komentatori i ndeshjes ishte e pavend dhe joprofesionale.
Ndaj këtij njeriu është inciuar procedurë disiplinore.
Reagimi i plotë nga Artmotion:
ArtMotion kërkon falje për incidentin gjatë komentimit të ndeshjes Juventus-Inter
ArtMotion shpreh keqardhje për komentet e pahijshme që kanë ndodhur nga komentatori Andin Lokaj në ndeshjen e luajtur sonte ne mes Juventus dhe Inter në kanalin Sport1.
Vlerësojmë se gjuha e komentatorit Lokaj ka qenë krejt e pavend dhe joprofesionale.
ArtMotion sapo ka vërejtur se çka po ndodh ka marrë menjëherë masa për ta ndërruar komentatorin, duke e zëvendësuar me komentatorin Arbon Flugaj, i cili ka vazhduar komentimin deri në fund të ndeshjes.
ArtMotion ka inicuar procedurën e masës disiplinore për këtë lëshim të rëndë profesional ndaj komentatorit Lokaj.
ArtMotion distancohet nga kjo sjellje, shpreh keqardhje të thellë për incidentin dhe iu kërkon falje të gjithë atyre që e kanë shikuar ndeshjen.