Një sulm me thikë ka ndodhur në Reading në Angli ku 3 persona kanë mbetur të vdekur si dhe 3 të tjerë janë plagosur rëndë. Lajmin për sulmin e rëndë e ka konfirmuar edhe policia.
Një 25-vjeçar nga Reading është arrestuar nga policia sepse dyshohet se ka lidhje me krimin. Ai u ndalua në zonën e krimit. Sulmi ndodhi në kopshtet Forbury rreth orës 19:00 sipas orës lokale, ku u goditën me thikë disa persona.
Mësohet se aktualisht policia nuk po e trajton rastin si një sulm terrorist, por për të ndjekur hetimet janë thirrur edhe oficerët e anti-terrorit.
Bëhet me dije se një burrë i arrestuar në vendngjarje dyshohet se është libanez, shkruan BBC.